• Presidente: Francisco Botas Ratera
• Vogal: Pedro Raúl López Jácome
• Vogal: José Ramón Rodrigo Zarza
• Vogal: Manuel López Figueroa
• Secretario non membro: José Eduardo Álvarez-Naveiro Sánchez
• Vicesecretario non membro: José Luis Dorrego Martín-Barbadillo

A Comisión Delegada de Créditos disporá das facultades especificamente previstas no Acordo de delegación do Consello de Administración celebrado o 1 de agosto de 2014, que incluirán, cando menos, as facultades que lle corresponden ao Consello de Administración en relación coa concesión e seguimento das operacións de financiamento sexa cal for a súa natureza, incluídas as relativas ao perfeccionamento, recoñecemento, modificación, prórroga, anticipación do vencemento, resolución, extinción, renovación e, en xeral, cantas correspondan en relación cos actos, contratos ou operacións propias do xiro ou tráfico das entidades bancarias na súa operativa de financiamento.

• Presidenta: Leticia Iglesias Herraiz.
• Vogal: José García Montalvo.
• Vogal: Carina Szpilka Lázaro.
• Vogal: Pedro Raúl López Jácome.
• Vogal: José Ramón Rodrigo Zarza.
• Secretario non membro: José Eduardo Álvarez-Naveiro Sánchez.

Ademais dos outros cometidos que lle asigne o Consello de Administración, a Comisión de Auditoría e Cumprimento exercerá, cando menos, as seguintes funcións:

• Informar a Xunta Xeral de Accionistas sobre as cuestións que se lle formulen en relación coas materias que sexan competencia da Comisión.

• En relación co auditor externo,

  1. Presentarlle ao Consello de Administración as propostas de selección, nomeamento, reelección e substitución do auditor externo, para someterllo á Xunta Xeral, así como as condicións da súa contratación e recadar regularmente del información sobre o plan de auditoría e a súa execución, ademais de preservar a súa independencia no exercicio das súas funcións.
  2. Establecer as oportunas relacións co auditor externo para recibir información sobre as cuestións que poidan pór en risco a independencia do auditor, para examinalas, e todas as relacionadas co desenvolvemento da auditoría de contas, así como as outras comunicacións previstas na lexislación de auditoría de contas e nas normas técnicas de auditoría. En todo caso deberá recibir anualmente dos auditores externos a declaración da súa independencia en relación coa sociedade ou entidades vencelladas a esta directa ou indirectamente, así como a información dos servizos adicionais de calquera clase prestados e os correspondentes honorarios percibidos destas entidades polo auditor externo ou polas persoas ou entidades vencelladas a este, conforme co disposto na lexislación sobre auditoría de contas.
  3. Emitir anualmente, con carácter previo á emisión do informe de auditoría de contas, un informe onde se expresará unha opinión sobre a independencia do auditor externo. Este informe deberá conter, en todo caso, a valoración da prestación dos devanditos servizos adicionais, individualmente considerados e no seu conxunto, distintos da auditoría legal e en relación co réxime de independencia ou coa normativa que rexe a auditoría.
  4. Servir de canal de comunicación entre o Consello de Administración e o auditor externo e avaliar os resultados de cada auditoría e as respostas do equipo de xestión ás recomendacións do auditor externo e mediar nos casos de discrepancias entre un e outro en relación cos principios e criterios aplicables na preparación dos estados financeiros. Ademais, a comisión verificará que a alta dirección ten en conta as recomendacións do auditor externo.
  5. Supervisar o cumprimento do contrato de auditoría, procurando que a opinión sobre as contas anuais e os contidos principais do informe de auditoría sexan redactados de forma clara e precisa.
  6. Asegurar que o auditor externo manteña anualmente unha reunión co pleno do Consello de Administración para informalo do traballo realizado e da evolución da situación contable e de riscos da sociedade.

• En relación cos sistemas de información e control internos e a función de auditoría interna,

  1. Comprobar a adecuación e integridade dos sistemas internos de control e revisar a designación e substitución dos seus responsables.
  2. Coñecer e supervisar o proceso de elaboración e presentación, e a integridade da información financeira preceptiva relativa á sociedade e, de ser o caso, ao seu grupo, revisando que se cumpran os requisitos normativos, a adecuada delimitación do perímetro de consolidación e a correcta aplicación dos criterios contables.
  3. Supervisar a eficacia do control interno da sociedade, a auditoría interna, e os sistemas de xestión de riscos para que os principais riscos se identifiquen, xestionen e dean a coñecer axeitadamente, e discutir co auditor externo as debilidades significativas do sistema de control interno detectadas, de ser o caso, no desenvolvemento da auditoría.
  4. Supervisar e mirar pola independencia e eficacia da función de auditoría interna; propor a selección, nomeamento, reelección e cesamento do Auditor Xeral; aprobar a orientación e plans de traballo da función de auditoría interna, coa certeza de que a súa actividade estea enfocada principalmente aos riscos relevantes da sociedade; recibir información periódica sobre as súas actividades e sobre as incidencias que se presenten no seu desenvolvemento; e verificar que a alta dirección teña en conta as conclusións e recomendacións dos seus informes. Por outra parte, o Auditor Xeral terá pleno acceso á Comisión de Auditoría e Cumprimento, a través do seu presidente.
  5. Establecer e supervisar un mecanismo que lles permita aos empregados comunicar, de forma confidencial, as irregularidades de potencial trascendencia, especialmente financeiras e contables, que se advirtan no seo da empresa.
  6. Revisar as contas da sociedade, vixiar que se cumpran os requirimentos legais e a correcta aplicación dos principios de contabilidade xeralmente aceptados, así como informar as propostas de modificación de principios e criterios contables que suxira a dirección.

• Examinar o cumprimento do regulamento interno de conduta nos mercados de valores, das regras de goberno da sociedade e facer as propostas necesarias para a súa mellora. En particular, correspóndelle á Comisión de Auditoría e Cumprimento recibir información e, de ser o caso, emitir informe sobre medidas disciplinarias a membros da alta dirección da sociedade.

• Supervisar o funcionamento e o cumprimento do manual de control interno para a prevención de riscos penais aprobado polo Consello de Administración. Para a realización desta tarefa, a Comisión contará, entre outras, coa facultade de recadar calquera información que estime conveniente e de convocar a calquera directivo ou empregado do grupo, incluídos en particular os responsables da función de cumprimento e os distintos comités con facultades neste ámbito para valorar o seu desempeño, así como a facultade de iniciar e dirixir as investigacións internas que considere necesarias sobre feitos relacionados co posible incumprimento do manual de control interno para a prevención de riscos penais.Ademais a comisión avaliará periodicamente o funcionamento do manual de control interno para a prevención de riscos penais e a súa eficacia na prevención ou mitigación da comisión de delitos, contando para iso con asesoramento externo cando o estime procedente, e proporalle ao Consello de Administración as modificacións do manual de control interno para a prevención de riscos penais e, en xeral, do programa de cumprimento que considere logo da avaliación.

• Ademais, a Comisión de Auditoría e Cumprimento informará previamente o Consello de Administración sobre todas as materias previstas na lei, os Estatutos e no Regulamento do Consello e en particular sobre:

  • a información financeira que a sociedade deba publicar periodicamente
  • a creación ou adquisición de participacións en entidades de propósito especial ou domiciliadas en países ou territorios que teñan a consideración de paraísos fiscais.
  • as operacións con partes vencelladas.
  • as modificacións deste regulamento.

• Formularlle ao Consello de Administración cantas propostas estime oportunas sobre cuestións incluídas no seu ámbito de competencia.

O regulamento da Comisión de Auditoría e Cumprimento aprobouno o Consello de Administración o 15 de decembro de 2017.

• Presidente: Eduardo Eraña Guerra
• Vogal: Pedro Raúl López Jácome
• Vogal: José Ramón Rodrigo Zarza
• Secretario non membro: José Eduardo Álvarez-Naveiro Sánchez

Ademais dos outros cometidos que lle asigne o Consello de Administración, a Comisión de Nomeamentos exercerá, cando menos, as seguintes funcións:

• Avaliar o equilibrio de coñecementos, capacidade, diversidade e experiencia necesarios no Consello de Administración e elaborar unha descrición das funcións e aptitudes necesarias para un nomeamento concreto, valorando o tempo e dedicación precisos para que leven a termo eficazmente o seu cometido.

• Establecer un obxectivo de representación para o sexo menos representado no Consello de Administración e elaborar orientacións sobre como acadar ese obxectivo.

• Identificar e recomendar, para que os aprobe o Consello de Administración ou a Xunta Xeral, candidatos a ocupar os postos vacantes do Consello de Administración e, en particular,

  1. Facerlle ao Consello de Administración as propostas de nomeamento de conselleiros independentes para a súa designación por cooptación ou, de ser o caso, para que sexan sometidos á decisión da Xunta Xeral de Accionistas, así como as propostas para a reelección ou cesamento deses conselleiros por parte da Xunta Xeral.
     
  2. Informar as propostas de nomeamento dos demais conselleiros para a súa designación por cooptación ou, de ser o caso, para que sexan sometidos á decisión da Xunta Xeral de Accionistas, así como as propostas para a reelección ou cesamento pola Xunta Xeral.

• Revisar periodicamente a política do Consello de Administración en materia de selección e nomeamento dos membros da alta dirección e facerlle recomendacións, así como informar as propostas de nomeamento e separación da alta dirección e as condicións básicas dos seus contratos.

• Aplicar e supervisar o plan de sucesión dos conselleiros aprobado polo Consello de Administración.

• Informar o Consello de Administración con carácter previo dos membros que deban integrar cada unha das comisións.

• Verificar anualmente o carácter dos conselleiros da sociedade e informar ao Consello de Administración ao respecto, para a súa consideración na elaboración do Informe Anual de Goberno Corporativo.

• Avaliar periodicamente, e cando menos unha vez ao ano, a estrutura, o tamaño, a composición e a actuación do Consello de Administración, e facerlle recomendacións verbo de posibles cambios.

• Avaliar periodicamente, e cando menos unha vez ao ano, a idoneidade dos diversos membros do Consello de Administración e do órgano no seu conxunto, e informar o Consello de Administración en consecuencia.

• Definir políticas e orientacións para a xestión do capital humano da sociedade.

• Calquera outra prevista no Regulamento ou na normativa aplicable.

O Regulamento da Comisión de Nomeamentos aprobouno o Consello de Administración el 13 de decembro de 2019.

• Presidenta: Carina Szpilka Lázaro
• Vogal: José García Montalvo
• Vogal: Pedro Raúl López Jácome
• Secretario no miembro: José Eduardo Álvarez-Naveiro Sánchez

Ademais dos outros cometidos que lle poida asignar o Consello de Administración, a Comisión de Remuneracións exercerá, cando menos, as seguintes funcións:

• Proporlle ao Consello de Administración a política de retribución dos conselleiros (que deberá someterse á votación da Xunta Xeral, conforme o previsto no Regulamento do Consello de Administración) e a dos altos directivos da sociedade, así como a retribución individual e as demais condicións contractuais dos conselleiros executivos, mirando por que se observe.

• Supervisar directamente a remuneración dos directivos encargados da xestión de riscos e con funcións de cumprimento.

• Revisar periodicamente os programas de retribución para poñelos ao día e mirar para que as remuneracións dos conselleiros e altos directivos se axusten a criterios de moderación e adecuación cos resultados da sociedade, e que as políticas de remuneración destes e dos demais membros do colectivo identificado (conforme a definición deste termo na normativa aplicable) non ofrezan incentivos para asumir riscos que reborden o nivel tolerado pola sociedade, de forma que promovan e sexan compatibles cunha xestión axeitada e eficaz dos riscos. A maior abondamento, a política de remuneracións do colectivo identificado será obxecto, cando menos unha vez ao ano, dunha avaliación interna central e independente para comprobar se se cumpren as pautas e os procedementos de remuneración adoptados polo Consejo de Administración.

• Verificar a independencia dos asesores externos que se contraten, con ese carácter, como expertos en materia de remuneracións.

• Vixiar a transparencia das políticas retributivas nos termos que estableza a normativa aplicable e a observancia da política retributiva establecida pola sociedade.

• Valorar o cumprimento dos obxectivos aos que vaian vencelladas as remuneracións, así como a necesidade, de ser o caso, de aplicar axustes por riscos a esas remuneracións.

• Calquera outra prevista no Regulamento ou na normativa aplicable.

O Regulamento da Comisión de Remuneracións aprobouno o Consello de Administración el 2 de marzo de 2020.

• Presidente: José García Montalvo.
• Vogal: Leticia Iglesias Herraiz.
• Vogal: Pedro Raúl López Jácome.
• Vogal: José Ramón Rodrigo Zarza.
• Vogal: Ana da Cunha Barros.
• Secretario non membro: José Eduardo Álvarez-Naveiro Sánchez.

O Director da unidade de riscos é Pablo Triñanes Lago.

Ademais dos outros cometidos que lle poida asignar o Consello de Administración, a Comisión de Risco Integral exercerá, cando menos, as seguintes funcións:

• Asesorar o Consello de Administración sobre a propensión global ao risco, actual e futura, da sociedade e a súa estratexia neste ámbito, e asistirlle na vixilancia da aplicación desa estratexia.

• Vixiar que a política de prezos dos activos e dos pasivos ofrecidos aos clientes teña plenamente en conta o modelo empresarial e a estratexia de risco da sociedade. En caso contrario, a Comisión presentaralle ao Consello de Administración un plan para emendala.

• Determinar, a canda o Consello de Administración, a natureza, a cantidade, o formato e a frecuencia da información sobre riscos que deba recibir a propia Comisión e o Consello de Administración.

• Colaborar para o establecemento de políticas e prácticas de remuneración racionais. Para iso, a Comisión examinará, sen prexuízo das funcións da Comisión de remuneracións, se a política de incentivos prevista no sistema de remuneración ten en consideración o risco, o capital, a liquidez e a probabilidade e a oportunidade dos beneficios.

• Propor a selección, nomeamento, reelección e cesamento do director da Unidade de Xestión de Riscos (Director Xeral de Control Corporativo e Riscos).

• Calquera outra prevista no Regulamento ou na normativa aplicable.