Ana da Cunha Barros

Conselleira independente

Nada no Porto en 1969. Licenciada en xestión de negocios pola Universidade de Economía do Porto e MBA en finanzas polo CASS Business School en Londres. Así mesmo, completou o International Directors Program – C de INSEAD e o programa de Women on Boards de Harvard Business School.

Carreira profesional

Comezou a súa carreira en 1994 en Londres como analista de banca de investimento en Nomura. Entre 1996 e 2010 traballou en Citigroup en Londres, Nova York, Madrid e Lisboa, onde chegou a ser directora de banca de investimento. Desde o 2010 ata o 2018 desenvolveu a súa carreira profesional en Barclays, ocupando o posto de directora de finanzas corporativas e banca de investimento, e de 2015 a 2018 desempeñando o cargo de directora xeral de banca de investimento en Lisboa.

En xullo de 2019 é nomeada vogal do Consello de Administración de ABANCA Corporación Bancaria, S.A. e en xullo de 2024 é nomeada conselleira independente do Consello de Administración en Banco Bic Português, S.A. (Eurobic), actualmente ABANCA Portugal, S.A.

Outros cargos relevantes: é conselleira independente en REN-Redes Energéticas Nacionais SGPS, S.A. e en Status Desafio Capital - Sociedade Gestora de Organismos de Investimento Colectivo, S.A.