Garantimos a integración e a supresión de barreiras para colectivos sensibles, implicámonos e comprometémonos con todas aquelas persoas en risco de exclusión social e somos eixo vertebrador de sensibilización con aqueles que resultan afectados por situacións catastróficas.

Cremos nunha nova forma de traballar de xeito ética e transparente, defendémola e compartímola a través do noso estilo de facer e comunicar as cousas baseado nos valores de confiabilidade, innovación, calidade e responsabilidade.

Consulta o Código Ético e de Conduta, e mais a Política Anticorrupción e a Política Fiscal de ABANCA.

Contribuímos a mellorar a sociedade galega dentro e fóra de Galicia, e a española en xeral, fomentando o seu desenvolvemento a través da promoción do deporte, a difusión da cultura e a educación financeira.

Traballamos para protexer, por iniciativa propia, a todos os nosos debedores hipotecarios. Consulta o fondo social de vivendas e o formulario de solicitude que debes remitir a gestionsingularvivienda@abanca.com.

Teléfono de información: 981 18 65 79

Promovemos o desenvolvemento cultural da sociedade pondo a disposición todo o noso patrimonio artístico. Difundimos e divulgamos a Colección de Arte ABANCA, unha das máis importantes do territorio español de ámbito privado. Achégate a través dunha visita virtual.

Procuramos acadar a eficiencia enerxética en todas as áreas da organización de forma que a nosa actividade xere o menor impacto posible no contorno que nos arrodea e nos axentes cos que interactuamos.

ABANCA recibiu subvencións en 2017 para mellorar a súa eficiencia enerxética.

Estamos comprometidos coa mellora continua e a excelencia na xestión dos nosos procesos e servizos como pancas necesarias para ofrecer servizos de calidade, promovendo as mellores prácticas nos sistemas de xestión, coñecendo as expectativas dos nosos clientes internos e externos, e impulsando accións para a mellora.

Coñece a Política de Calidade de ABANCA.

Temos en conta a significación e transcendencia da actividade das organizacións do terceiro sector, poñendo os nosos edificios institucionais a súa disposición sen custo.

Coñece os nosos edificios.

Apoiamos un modelo de educación superior innovador e de calidade orientado á empresa, que fomente o desenvolvemento das persoas e potencie o papel activo dos maiores na sociedade a través do acordo asinado con Afundación.